May 10, 2021

કેરીના વધેલ ગોટલામાંથી બનાવો આ સ્વાદિષ્ટ મુખવાસ

મુખવાસ માટે જરૂરી સામગ્રી :

થોડા કેરીના ગોઠલા, મીઠું, 1/2 ચમચી હળદર, કેરીનું મીઠાવાળું પાણી અથવા અડધા લીંબુનો રસ,તળવા માટે તેલ,

જીરાનો ભૂકો, સંચળ, ચાટ મસાલો, હીંગ, હળદર

બનાવવાની રીત –

» વપરાય ગયેલા ગોઠલાને સૌ પ્રથમ સદા પાણીમાં ધોઈ લો. ત્યારબાદ આ ગોઠલાને 7 થી 8 દિવસ સુધી તડકામાં સુકવો. ગોઠલાને જમીન પર સીધા સુકવશો તો ચાલશે ..

» ગોઠલા સુકાય જશે એટલે સફેદ કલરના થઈ જશે. અમે જેમ જેમ કેરી વપરાતી જાય તેમ તેમ ગોઠલા સુકવતા જઈએ.. બધા ગોઠલા 7 થી 8 દિવસ સુધી સૂકવવા .

» ગોઠલા બરાબર સુકાય જાય એટલે હથોડી કે દસ્તાની મદદથી ગોઠલાને તોડો. ધ્યાન રહે અંદરની ગોઠલી ભૂકોના થઇ જાય. બને ત્યાં સુધી પેહલા કિનારીથી તોડો અને ગોઠલી આખી નીકાળવાની ટ્રાય કરવી..

» આ ગોઠલીના ઉપરના પડ કાઢી લેવા.

» હવે ગોઠલીને પાણીમાં પલાળો. દર 4 થી 5 કલાકે પાણી બદલી લેવું. સાથે જેટલું પડ નીકળે નીકળતા જાઓ.

» આપ જોશો પાણી કાળા પડતા જશે. અને ગોઠલી ધીરે ધીરે સફેદ બનતી જશે.

» પાણી બદલાવાની પ્રક્રિયા 4 થી 5 વાર કરો. ધ્યાન રહે ગોઠલીના કાળા ડાઘા પડશે.

» ત્યારબાદ ગોઠલીને કુકરમાં બાફવા માટે મુકો. એમાં થોડું કેરીનું પાણી , મીઠું અને હળદર ઉમેરો. ગોઠલી ડૂબે એટલું પાણી લો. ધીમી આંચ પર 3 થી 4 સીટી વગાડો.

» ત્યારબાદ બફાયેલી ગોઠલીને ચાયણીમાં નિતારવા મુકો. 2 થી 3 કલાક માટે નિતારવા દો. આમ કરવાથી સમારતી વખતે ગોઠલી તૂટશે નહીં.

» હવે એકદમ પાતળીને લાંબી સુધારો. હળવે થી સુધારો નહીં તો બફાયેલી ગોઠલીનો ભૂકો થઈ જશે.

» હવે એકદમ પાતળીને લાંબી સુધારો. હળવે થી સુધારો નહીં તો બફાયેલી ગોઠલીનો ભૂકો થઈ જશે.

» આ સમારેલી ગોઠલીને એક કોટનના કપડાં પર તડકે સુકવો.. આવા આકરા તડકામાં 2 દિવસમાં ગોઠલી સુકાય જશે.

» ધ્યાન રહે ગોઠલી એકદમ સુકાય જ જવી જોઈએ.

» ગોઠલી તળીને અથવા શેકીને બનાવી શકાય છે. તળી ને બનાવેલ વધુ પોચી અને સરસ બને છે . તેલ એકદમ ગરમ થાય ત્યારે જ તળવી.

» ત્યારબાદ, આ ગોઠલીને મોટા બાઉલ કે કડાયમાં લઇ બધો મસાલો ઉમેરો..

» એકદમ ઠરે એટલે એર ટાઈટ ડબ્બામાં ભરો અને આનંદ ઉઠાવો આ સ્વાદિષ્ટ મુખવાસ નો .

Leave a Reply

Your email address will not be published. Required fields are marked *

%d bloggers like this: