ઘરમાં કે બહાર અકસ્માતે તમારો મોંઘો સ્માર્ટફોન પાણીમાં પડવો ખરાબ છે. આ સમયે તમને ખુબ દુખ થતું હશે. કારણકે તમારા તમામ મહત્વની જાણકારી ફોન ખરાબ થવાના કારણે ગુમાવાનો ડર રહે છે. પરંતુ આવા સમયે ધીરજ રાખવી જોઈએ અને તરત જ કોઈ ખોટી એક્શન ન લેવાઈ જાય તેનું ધ્યાન રાખવું જોઈએ.
ફોન પાણીમાં પડે કે તરત જ આ કામ કરો
- સૌ પ્રથમવાર તમારા ફોનને સ્વિચ ઓફ કરી દો.
- ફોનમાંથી સિમ કાર્ડ મેમરી કાર્ડ અને અન્ય કોઈ કવર હોય તો હટાવી દો.
- ફોનની બેટરી પણ કાઢી નાખવી.
- કોઈ પણ કપડાથી કે કાગળથી ફોનને સુકાવવાનો પ્રયત્ન કરો.
- ફોન વધારે ભીનો થયો હોય તો વેક્યૂમ ક્લિનરનો પણ ઉપયોગ કરી શકાય છે.
- સૂકા ચોખામાં ફોનને રાખી દો. ચોખા પાણીનું શોષણ કરવામાં સૌથી ઝડપી હોય છે.
તમારો સ્માર્ટ ફોન પાણીમા પડે ત્યારે આ પાંચ કામ ક્યારેય ન કરશો.
- ફોનને ઉંધો ક્યારેય ન કરશો. ફોનનું કોઈ પણ બટન ન દબાવવું.
- ફોનને ઝટકા ન મારવા જોઇએ .
- તેને ખોલવા માટેનો પ્રયત્ન ન કરવો જોઇએ .
- ફૂંક મારીને સૂકવવાનો પ્રયત્ન ન કરવો.
- ફોનને ઠંડો કે ગરમ કરવા ફ્રીઝ કે માઈક્રોવેવમાં ન રાખવો
