ઇમ્યુનીટી સ્ટ્રોંગ બનાવવા માટે ખાઓ રીંગણા કેટલાય લોકો રીંગણ જોઇને જ મોંઢા બગાડે છે . ત્યારે કેટલાય લોકોને રીંગણ ખૂબ જ ફેવરિટ હોય છે . રીંગણ એક એવી શાકભાજી છે જે દરેક ઋતુમાં સરળતાથી મળી જાય છે . રીંગણને માત્ર સ્વાદ માટે જ નહીં પરંતુ આ સ્વાસ્થ્ય માટે પણ ફાયદાકારક છે . રીંગણમાં એવા કેટલાય પોષક તત્ત્વ હોય છે જે બીજી કોઇ શાકભાજીમાં સરળતાથી નથી મળતા . રીંગણને કેટલીય રીતે ખાઇ શકાય છે જેમાં બટાકા – રીંગણની શાકભાજી , રીંગણ ફાઇ , રીંગણ પકોડા , ભરથું પણ સામેલ છે . રીંગણમાં વિટામિન , ફેનોલિક્સ અને એન્ટી – ઑક્સીડેન્ટ જેવા ગુણ મળી આવે છે જે શરીરને કેટલીય સમસ્યાઓથી દૂર રાખવામાં મદદ કરી શકે છે .
આટલું જ નહીં રીંગણ ખાવાથી કેટલાય પ્રકારની બીમારીથી પણ દૂર રહી શકાય છે . જાણો , રીંગણ ખાવાના ફાયદાઓ વિશે …
હાર્ટને સ્વસ્થ રાખે છે : રીંગણનાં સેવનથી હાર્ટને હેલ્થી રાખી શકાય છે .. રીંગણ શરીરામાં બેડ કોલેસ્ટ્રોલનાં લેવલને ઘટાડે છે જેનાથી હાર્ટ સ્વસ્થ રહે છે . આ ઉપરાંત રીંગણ ખાવાથી શરીરમાં બ્લડ સર્ક્યુલેશન પણ ઠીક રહે છે .
ઈમ્યૂનિટી મજબૂત બનાવે છે : રીંગણ ખાવાથી ઈમ્યૂનિટી મજબૂત થાય છે . રીંગણમાં રહેલ વિટામિન સી ઈમ્યૂનિટીને મજબૂત બનાવવામાં મદદ કરે છે . રીંગણને ડાયેટમાં સામેલ કરવાથી તમે કેટલાય પ્રકારના વાયરલ ઇન્ફેક્શનથી દૂર રહી શકો છો .
કોલેસ્ટ્રોલને કંટ્રોલમાં રાખે છે : રીંગણ ખાવાથી બેડ કોલેસ્ટ્રોલના લેવલને ઘટાડી શકાય છે . રીંગણમાં પોટેશિયમ અને મેગ્નેશિયમ વધુ પ્રમાણમાં હોય છે . આ કારણથી કોલેસ્ટ્રોલના લેવલને કંટ્રોલ કરી શકાય છે . શરીરને મળે છે એનર્જી : રીંગણને એનર્જીનો એક સારો સોર્સ માનવામાં આવે છે . જો તમને શરીરમાં એનર્જીની અછત વર્તાતી હોય તો તમે રીંગણનું સેવન કરી શકો છો . રીંગણનું સેવન કરવાથી એનર્જીને બૂસ્ટ કરી શકાય છે .. આ સાથે જ રીંગણ ખાવાથી દિવસભરનો થાક પણ દૂર થાય છે .
